Իտալական Ռոման և Nike-ը ներկայացրեցին 2015/16 մրցաշրջանի տնային մարզաշապիկը:

Ոգեշնչվելով հռոմեական պատմական զորքերի զինվորների սպառազինությամբ՝ նոր տնային մարզաշապիկը ստեղծվել է խաղադաշտում ուժեղ և մարտական տեսք ունենալու համար: Մարզաշապիկը Ռոմայի դասական կարմիր գույնի մեջ է՝ դեղին դետալների հետ համադրված: Օձիքի դիզայնը և օրիգինալ կտրվածքը կրկնում են հռոմեական զինվորների զրահների օձիքի կտրվածքը, որը նրանք կրում էին դեռևս 2 հազար տարի առաջ:

Առաջին անգամ Ռոմայի մարզաշապիկների համարները, որոնք տպվում են շապիկի ետևում, կպարունակեն գրաֆիկական պատկերներ, որոնք նվիրված կլինեն իտալական մայրաքաղաքի ճարտարապետական հրաշքներին, հնագույն փողոցներին: Այս նորամուծության նպատակն է ցույց տալ ուժեղ կապը ակումբի, քաղաքի և երկրպագուների միջև: